ლისი ტოპოგრაფი დასავლური ტიპის, დაბალი განაშენიანების მქონე, ახალი თანამედროვე კერძო დასახლებაა, სადაც იყიდება მიწის ნაკვეთები კერძო სახლის მშენებლობისთვის. პროექტი ლისის ტბიდან 500 მეტრში მდებარეობს. ის სრულად არის მორგებული თანამედროვე ურბანიზაციის მოთხოვნებზე და მისი მთავარი იდეაც ემსახურება ადამიანებისთვის კომფორტული, ჰარმონიული და ჯანსაღი საცხოვრებელი გარემოს შექმნას.

 ლისი ტოპოგრაფის პროექტის განხორციელება დაიწყო 2021 წლის ივნისში. პროექტი მოიცავს 4 სექტორად განაწილებულ 244 მიწის ნაკვეთს კერძო სახლის მშენებლობისთვის. ნაკვეთების 60% -მდე უკვე გაყიდულია. 

პროექტის უპირატესობებია: 

·      გამორჩეული მდებარეობა;

·      მწვანე და ჯანსაღი საცხოვრებელი გარემო;

·      სრული და გამართული ინფრასტრუქტურა - სარეკრეაციო სივრცეები, სპორტული მოედნები, ბავშვთა გასართობი სივრცეები;

·      მოვლილი და დაცული ტერიტორია.

 აქტიურად მიმდინარეობს უბნის ინფრასტრუქტურული სამუშაოები, გზების დაგება, ცენტრალური კომუნიკაციების გამართვა, ტერიტორიის გამწვანება. მომავალმა მობინადრეებმა უკვე დაიწყეს სახლების მშენებლობაც.

ლისი ტოპოგრაფი – იცხოვრეთ გამორჩეულ, სწორად და გააზრებულად დაგეგმილ საცხოვრებელ უბანში.